منتديات الثقافة و الأدب

عضو جديد

دخلت من الباب ... شفت غير الهم و العذاب ... كي شفت الكراريس حسبت روحي في باريس ...الهم الداي في والريح في ودني...ياخوتي طلوا علي . راني رايحة نهبل و ندخل للعتمانية ... سبتي الباك و الدروس المتراكمة علي... هم الإجتماعيات المصطلحات و الشخصيات ... و العلوم الإسلامية الربى و المعاملات المالية ... و اللغة العربية تخلطت علي . لو لما و الجمل الإعرابية ... الفلسفة رجعت تكهن رياضيات و علوم إنسانية و أنا نقول حرية ... الفرنسية بعدها علي لا cause ولاconsequence راني خاطيها.لو debat ولا ppel خلاتني نولي زبا ل...و الإنجليزية غير رميها علي ما خصني غير الفساد و الأقمار الصناعية ... هاذي كامل مواد أدبية سكت و ما تهدرش على المواد العلمية ... ياك يقولوا العلوم الطبيعية علم الإنسان و البيولوجيا زادو دخلوا النبات و هاذوك الإلكثرونات الإنتقالية ... راني مايل و دخلوني في الجسم المايل .. العلوم الفيزيائية هم و مزرية من كبلر لنيوتن و الجمل الكيميائية .. وخليني من الأكسدة الإرجاعية ... الرياضيات تاكل في من القسم لليكور و في الأخير تعويضات للدالة الأصلية ... رجعت مركز للدوران سعات نطوال يقولوا تشابه سعات نقصار يقولوا تحاكي ...ما فهمتش روحي يلا راني زاد ولا ألان و لا ظهري مقوس كي الإكس بولونسيال ... في الرياضة حالتي حالة قفز وجلة و في الخمس دورات قلبي ولا يدور ... يايما جري لي جامي شفت في حياتي هاذ المزرية في الأعوام اللي فاتوا علي ... الباك غول يهدد في يا ننجح يانولي مع اللي قل علي... يا ربي وفقني و هز الهم علي ... بقاو 11 نيوم وما زالي ما كملتش الشئ اللي علي ... سارة حلام و مريم ما تقلقوش هذا إختبار في الحياة اليومية ... و بربي إنشاء الله نجحوا و نمدوا لغرايف للذرية...
من تأليف مريم و أحلام